प्रेमाचा बाजार विनामूल्य पण महागडं सुख
पूर्वीच्या काळात प्रेम साधं होतं, त्यात दिखावा नव्हता. पत्रातून, गजऱ्यातून, साध्या भेटीतून प्रेम व्यक्त केलं जायचं. आजच्या काळात मात्र प्रेमाची परिभाषा बदललीय. आता प्रेमात किंमत भावनिक जवळीकीपेक्षा आर्थिक स्थैर्याला लागते. महागड्या गिफ्ट्स, ब्रँडेड कपडे, हॉटेलमध्ये डिनर, ट्रिप्स आणि सोशल मीडियावर रोमँटिक स्टेटस टाकण्याशिवाय प्रेम अपूर्णच वाटतं. जणू प्रेमाचा बाजार मांडला गेलाय, आणि प्रेमासाठी स्पर्धा लागलीय!
खरं प्रेम हरवत चाललंय…
आज नात्यांमध्ये "समजून घेणं" नाही, "समजूत घालणं" आलंय. संवाद संपून संशय वाढलाय, आपुलकीपेक्षा अहंकार मोठा झालाय. सोशल मीडियावर रिलेशनशिप परफेक्ट दिसली पाहिजे, बाकी घरात काय चाललंय याची चिंता नाही. लोकांसाठी जगायचं, दाखवायचं—यात खरं प्रेम कुठेतरी हरवत चाललंय.
"माझ्या परीने सगळं दिलं, तरी प्रेम टिकवलं नाही!"
हे वाक्य आज अनेकांच्या मनात असतं. प्रेम देणं म्हणजे फक्त पैसे खर्च करणं नव्हे, हे समजायला हवं. प्रेम माणसाला हसवू शकतं, जगायला शिकवू शकतं. पण आजच्या दिखाऊ युगात प्रेम ही गुंतवणूक झाली आहे—देणाऱ्या व्यक्तीकडून सतत अपेक्षा ठेवल्या जातात. म्हणूनच खरं प्रेम लाभणं हे जगातलं सगळ्यात महागडं सुख झालंय!
ज्यांना हे प्रेम मिळालं, ते नशीबवान!
जे लोक आजही एकमेकांना समजून घेतात, ज्यांचं प्रेम आर्थिक गणिताच्या पलिकडचं आहे, ज्यांना सोशल मीडियाच्या पोस्टपेक्षा प्रत्यक्ष संवादात आनंद वाटतो—तेच खरे भाग्यवान. कारण त्यांनी प्रेम 'बाजारात' विकत घेतलेलं नाही, तर ते निस्वार्थपणे अनुभवलं आहे.
प्रेमाला किंमत नाही, पण मूल्य आहे…
प्रेम फुकट मिळतं, पण त्याची किंमत जाणणं आवश्यक आहे. ज्या दिवशी आपण पैसे, ब्रँड, सोशल मीडिया यापलीकडे पाहून प्रेमाचं खरं स्वरूप समजू, तेव्हाच हे महागडं सुख आपल्याला विनामूल्य मिळेल!
👍🏻 •ʟɪᴋᴇ •ꜱʜᴀʀᴇ •ᴄᴏᴍᴍᴇɴᴛ
.
.
🔹 शब्दांच्या जगात तुमचं मनःपूर्वक स्वागत! 🔹
💖 शब्दांवर प्रेम असेल, तर आम्हाला नक्की फॉलो करा!
🤝 तुमचा पाठिंबा हीच आमची खरी ताकद!
🌟 प्रत्येक शब्दात एक भावना
📍 नव्या कथा, नवी शायरी – फक्त एका क्लिकवर!
✍️ Follow Us ➱ @writersandeepchavan
#sandeepchavan
#writersandeepchavan
❤️ प्रेम द्या, साथ द्या! 🍁
#प्रेम_सत्य #नाती #खरं_सुख
Comments
Post a Comment